Ruamataa Kura Kaupapa

Ko te me nui o tenei korero, ko te aroha o te tangata ki te tangata. Ara, ko te aroha atu, aroha mai. Mehemea ka hoatu tenei he oranga mo te tangata kei te pai ana, engari, kaore tenei hangarau e pai ana mo te kai. Me waiho tatou tena mahi.

I haere ana ahau ki ERMA, kaore ratou e whakarongo ana ki toku nei whakaaro, ka tu mai ana tetahi tangata ki te whakarite toku korero.Engari, korekau he tikanga mana. Kaore ia e mohio ana te reo Māori, nga tikanga Māori me era atu mea. Engari , kei i ia te mana ki te whakatau tetahi tonoa mo tenei hangarau.

Kei te mataku ahau e pa ana ki tenei hangarau koiora. Na, ki aku nei whakaaro, ko te ira tetahi wahanga o toku tinana. Naku ke tenei. Kei a wai ratou ki te mahi penei?

He aha te painga mo tenei mahi? He aha te tikanga o te 98% makimaki? Ehara tera i te tika ki aku nei whakaaro. No nga atua ke ahau.

He aha nga kaupapa rangahau e pa ana ki nga panga mai o tenei hangarau-koiora kei runga i te tangata, i te taiao me era atu mea.

Na, kei te tapu te tinana, kei te tapu te ira.

Kei hea nga ture e pa ana ki te mana whakairo hinengaro mo tenei hangarau? Kei a wai te mana mo te ira, mo te toto. Ko te tohunga, ko ahau ke?

Kei te toimaha tenei korero kei runga i te tikanga Māori. Kei te hiahia matou he korero, he panuitanga mo te ahuatanga o tenei putaiao. Me pehea tatou i korero atu ki tenei, mehemea kaore matou e mohio ana te tikanga o te putaiao, o te hangarau.

Kei te hoha ahau me enei hui, na te mea kei te haere mai matou ki te korero ki te kawanatanga, engari, kaore ratou e whakarongo ana. Kei te mahi penei ia wa, ia wa, he aha te rereketanga o tenei korero ki era?

Ki te raweke te ira, ko wai ka mohio he aha te momo ahua ka puta mai. Koinei te mataku maku. Ka uru he ahua rereke ki te roto i te whakapapa. Kei hea te tikanga ki roto i tera?

Ki te Māori, kei a tatou he taha wairua, he taha kikokiko, kei hea te taha wairua ki roto i tenei mahi. Ae, tika, ko te aroha ki te tangata, engari he aha te mea i puta mo te wairua?

Ka tukino enei e nga kaiputaiao me te ira, ka wetewete etahi o nga otaota tuturu, kei te tika tenei?

He aha te me i puta mai mo te mauri, he kaitiaki tatou, kei hea tenei whakaaro ki roto i tenei mahi e pa ana kit era?

Kei te ki etahi, ko tenei he rangahau noa iho hei kimihia i etahi painga i etahi rongoa mo nga iwi katoa. Engari, he aha te mea i puta mai, kaore au e kitea te kiko kei roto i tenei mahi. Kei roto tonu te awangawanga i a au.

Ka taea e te putaiao ki te whakawhiti atu i te mate ki te ora? Kei roto tenei i to koutou pukapuka. Kei te mataku ahau e pa ana ki tera. He tapu rawa tera mahi. Kaore ahau e whakaae ki tera.

Kei ahau nga maharahara e pa ana ki tenei mahi, na ki oku nei whakaaro, ko te putake o tenei rangahau, ko te moni. Kaore tera i te pai. Ko te taonga nui ki roto i tenei ko te tangata me te taiao. Ka ahei te Māori ki te hoko nga painga o enei rongoa? Kei a matou etahi atu huarahi?

Kia tupato, ata haere, kona toku whakaaro e pa ana ki tenei mahi.

[ Previous page | Next page ]