Ture Whakahaere

Terms of Reference in English.

Whāinga

Ko te whakarei ake i tā Aotearoa māramatanga ki ngā āhuatanga tikanga ā-iwi, taha matatika, taha wairua hoki o te hangarau-koiora me te whakapūmau ka kōhukihuki tonu te whakamahinga hangarau-koiora mō ngā uara o ngā iwi o Aotearoa.

Kaupapa

Ko tā Toi Te Taiao (arā, ko te Kaunihera Hangarau-Koiora) mahi kia noho hei kōmiti tohutohu i te minita hei:

1. Whakarato tohutohu motuhake ki te kawanatanga mō ngā take hangarau-koiora e pā ana ki ngā āhuatanga tikanga ā-iwi, taha matatika, taha wairua hoki.

2.Toko ake, uru atu hoki ki roto i ngā whitiwhitinga kōrero tūmatanui mō ngā āhuatanga tikanga ā-iwi, taha matatika, taha wairua hoki o te hangarau-koiora, me te whakamana i te urunga o te iwi whānui ki roto i ngā mahinga o te Kaunihera.

3.Whakarato pārongo mō ngā āhuatanga tikanga ā-iwi, taha matatika, me te taha wairua o te hangarau-koiora.

Mahinga Matua

Ko tā te kōmiti mahi hei whakatutuki i ōna kawenga me:

1. Tuku tohutohu ki te kawanatanga mō ngā take hangarau-koiora whakahirahira ki te motu e pā ana ki ngā ahuatanga tikanga ā-iwi, taha matatika, taha wairua hoki, me te arahi i te hunga whakatau whiriwhiringa mō ēnei take. Ka whakaputaina tūmatanui nei ngā tohutohu, ā, me:

• Whai whakaaro mō ngā uara o ngā tangatā o Aotearoa.
• Whai whakaaro mō te horopaki me ngā āhuatanga hangarau-koiora me ngā take ka puta mai.
• Wahapū te kōrero, kia tuku pūrongo mō te kanorau o ngā whakaaro mō tētahi take.
• Whai i ngā uara me ngā whakaaro whānui me te tautuhi i ngā wahi kei te mau tonu te kanorau o ngā uara me ngā whakaaro, ko te mea nui ko ngāa mea i ahu mai i ngā take e pā ana ki te Tiriti.

2. Whakaatu i tōna pūmau ki te Tiriti o Waitangi me tōna kawenga kia whitiwhiti korero, kia kōrero tahi me te iwi Māori i runga i tētahi tikanga e āta whakaratongia ai ō rātou hiahia.

3. Noho hei wānanga kōrero tūmatanui mō te taha matatika, tikanga ā-iwi, taha wairua hoki e pā ana ki te whakamahi hangarau-koiora me te whakaputa ripoata.

4. Whakapakari, whakatinana hoki i ētahi atu rautaki hei whakauru, whitiwhiti kōrero, kōrero tahi me te iwi whānui me te hunga whai pānga mō ngā āhuatanga taha matatika, tikanga ā-iwi, taha wairua hoki o te hangarau-koiora. Mā ēnei rautaki e kimihia ai tētahi huarahi hei waihanga i te āhua whakawhirinaki i waenganui i te iwi whānui me ōtahi atu o te hunga whai pānga.

5. Te mahi tahi me rōpu tohutohu kē, rōpu whakatau whiriwhiringa ke hoki ki te whakapakari pūrongo mō te taha matatika me ngā uara hei tautoko ake i te āhuatanga rite me te whakaiti i te mahi tāruarua a tēnā, a tēnā rāpu tohutohu taha matatika.

6. Tiaki i tetahi tohutohu tirotiro hei whakangāwari i te māramatanga tūmatanui mō ngā uara, taha matatika hoki mō:

• Ngā "tirohanga ao" rerekē me ētahi atu kaupapa whanonga whakawhitiwhiti e pā ana ki te hangarau-koiora.
• Ngā pānga o ēra tirohanga ao ki ngā take Tiriti.
• Tōtahi mahi "tirotiro whakamua" hei aroturuki i ngā take me ngā tipunga e puta mai ana i te hangarau-koiora.

7. Whakatu me te toko hononga me ētahi atu wānanga kōrero āhua rite o te ao e mahi ana i ngā take āhua rite.

8. Whakapakari i ngā mea hei arotake i ngā pānga o ōna mahi.